Leseprobe

...u so hesch du i dim zarte Alter scho zeigt wär du bisch. Immer wieder hesch du i dire liebevolle Art mit eme Lächle versuecht, di Charme düre ds bringe. Es het de so mänge Momänt gäh, wo dis Mami schiins seig schwach worde...

 

Wo de dr Herbscht isch cho, isch es für di bsunders schön gsi. Hesch doch du viel mit dim Mami dörfe dusse sy. Es heig dir nid immer pässlet, das heigsch de ou grad lutstarch zum lose gä... aber du hesch die Rächnig schiinbar ohni dis Mami gmacht...äs isch de glich mit dir ga loufe u du hesch eso viel schöns dörfe gseh und erläbe...u mängisch, ja de heigs ou zum ne Zvieri glängt bi Fründe. Das seig für di de aube ds Höchschte gsi...

 

Für diner Eltere isch es wichtig gsi, dir immer wieder ds zeige, wie wunderbar und einzigartig du bisch. U dür das, hei sie mit dir ou viel gmacht. So sitt dir no zäme ga Schueli choufe für di. D Mama het mir verzellt wie wichtig es ihm isch gsi, dir die schönschte u glänzigschte ds z'choufe, schliesslich seigsch du ou ihri Härz-Prinzässin...

 

Ds Mami u dr Papi wette dir no uf e Wäg gäh, dass du ds wärtvollschte u schönschte Gschänk für sie bisch und blibsch... I ewiger Verbundeheit wärdet dir, d Eltere und du chlini Prinzässin, im Hie und Jetz ga mit dr unsichtbare Hand zunenand.

 

 

Mit freundlicher Genehmigung, der Trauerfamilie, veröffentlicht.

 

 

Mänge Schicksalsschlag het ds Mami müesse erläbe, mängisch isch ihre Gloube zu Gott prüeft worde. U immer wieder hets die grosse Läbensprüefige agno u i ihrer Art liebevoll, gmeischteret. Wahrlich het sie viel erläbt, wo es alle Grund hätti gha dran ds zerbräche...

 

U genau dört, het's immer wieder dr Muet gfasst für füre ds luege, u da ds si, für ihri Töchtere u Grosschind.

 

Gfeschtigt i ihrem Gloube zu Gott het sie sich göffnet ou für wyteri Läbensfrage u Themene...da hets de ou ganz grundsätzlechi Frage u Gedanke gäh, wie isch de das mit em Läbe nach em Tod... Ds Mami isch de so offe u Neugierig gsi, dass sie sich mit ere mediale Person het troffe. 

Die schöni, stimmegi Begägnig het ihre d Chraft u dr Gloube gä, dass es nach em Tod nid eifach fertig isch, sondern das mir wyters göh i ds Liecht. 

 

U d Gwüssheit, dass bereits vorus gangeni gliebti Mönsche uf sie warte im Liecht.  U das söu ou so si, dass mir üs für das Wiedersehe mit all ihrne Liebschte vorusgangene, freue.

 

I däm Sinn isch ds folgende Zitat so träffend: 

 

Niemer geit ganz vo üs....er geit nume vorus...

 

Mit freundlicher Genehmigung, der Trauerfamilie, veröffentlicht.